Psa 65 | MEU | STEP | Dirava e, Siona ai bae imodaimu; bona gwauhamata anidia na oi bae henimu.

Psalms 65

1 Dirava e, Siona ai bae imodaimu;
bona gwauhamata anidia na oi bae henimu.
2 Ḡuriḡuri ikamonaina Diravana e,
taunimanima iboudiai na bae vasi,
3 kara dika daidiai
Emai kara dika ese e hadareremaimu negadia ai na
oi ese o gwaudia taomu.
4 Emu maḡu ai baine noho totona o abia hidimu bona o hakaua kahimu tauna be namo;
emu ruma ena namo ai ese baia moalelaia, emu dubu helaḡana bunai.

5 Ai ihamaurimai Diravana e,
hahegari karadia amo o haere henimaimu bona o hamaurimaimu;
oi na tanobada dokodia iboudiai edia helaro,
bona davara daudau-hereadia edia danu.
6 Oi ese emu goada amo ororo o hadaidia,
oi na siahu o hariolaiamu;
7 oi na davara reḡedia o gwaudia taomu,
edia hurehure reḡedia bona taunimanima edia heloḡo-heloḡo danu.
8 Taunabunai tanobada hetoadia daudau-hereadia ai e nohomu taudia ese
oiemu toa e gari henidiamu;
oi ese dina dae tanodia bona dina diho tanodia o hamoalediamu.
bena e moale hisi daemu.
9 Tanobada o vadivadi heniamu, o haparipariamu,
uma tanodia o hanamodiamu;
Dirava ena sinavai na ranu ai e honumu,
uma anidia o henidiamu,
vada o haheḡaeḡaedia tanodia lalodiai.
10 E ruadia tanodia o hapariparidia badamu,
tano latalatadia o hataoradiamu,
medumedu amo o hamanokadiamu,
lalodiai e tubumu ḡaudia o hanamodiamu.

11 Emu herahia ese laḡani ihanamona e haḡuḡuruamu,
aemu gabudia amo digara e dihomu,
12 tano ḡaḡaena reidia ai e dihomu,
ororo ese edia moale e rioamu.
13 Rei gabudia ese mamoe seridia na e hadabuadiamu,
koura ese uit e hadokiamu,
ane e abimu, e moale hisi daemu.